DAVAO CITY – Masuk-anon nga gipahayag ni Pangulong Rodrigo Duterte nga nanlimbasog gayud siya nga mahinayon ug matapus ang panaghinabing pangkalinaw tali sa Communist Party of the Philippines (CPP), New People’s Army (NPA), National Democratic Front of the Philippines (NDFP) apan ang mga NPA daw gadali nga mapakyas ang panaghinabing pangkalinaw pinaagi sa gilusad nga sunod-sunod nga mga pagpangatake ug pagpangsunog sa mga sakyanan ug mga heavy equipments sa mga kompanya nga bout nilang kilkilan.
Gi-awhag ni Pangulong Duterte ang mga sakop sa GRP panel nga manguli na lamang.
Subay niini gipahimangno-an ni Pangulong Duterte ang mga gipangbuhi-an nga mga piniriso nga mibarog isip mga consultants sa rebeldeng pundok nga ipadakop niya kini ug ibalik sa bilanggo-an.
Mamahimo sab nga dili na lamang mouli sa nasod ug magpa-asylum na lamang sab sama kang CPP Founding Chairman Jose Maria Sison ang mga consultants, sumala pa kang Pangulong Rodrigo Duterte.
“Yong lahat na nasa labas, kayong na-releaseumuwi na kayo dito, because you are wanted and upon your arrival I will arrest you and place you back in prison, okey? Na ngayon kung ayaw nyong bumalik, you are fugitives I will cancel your passport and will inform the International Police for an international warrant. Ngayon, gusto nyong mag-asylum sa Netherlands? O segi dyan.”Pahayag ni Pangulong Rodrigo Duterte.
