DAVAO CITY – Andam na ang Armed Forces of the Philippines (AFP) nga ipatagamtam sa mga rebeldeng New People’s Army ang gusto nilang matilawan gikan sa kasundalohan sa kagamhanan.
Kini ang gihatagan ug katin-awan ni Gen. Eduardo Año, kasamtangan nga Chief of Staff of the Armed Forces of the Philippines, kinsa nangatungdanan isip ika-57 nga Commanding General.
Sumala pa niya nga labihang pagpugong sa AFP sa dihang gipatuman ang unilateral ceasefire apan ang mga NPA dw naghuramintado sa ilang pagpangsunog sa mga sakyanan sa mga kompanya nga bout nilang kilkilan. Unom ka mga sundalo sa kagamhanan ang ilang napatay, samtang tulo ang gipanghimong bihag.
Samtang sagad sa ilang gipa-atake nga mga kasundalohan non-combatant ug nakasibilyan.
Karon nga wala na ang unilateral ceasefire ug ang peacetalk suspendido andam na ang AFP nga sudlon ang mga kampo sa mga rebelde.
Nakalugar sa pagpalig-on sa ilang pwersa ang mga rebelde dihang gipatuman ang ceasefire.
