DAVAO CITY – Nakatala sumala pa ang Inter-Agency Council Against Trafficking (Iacat)-Davao Region ug 95 ka kaso nga giduso sa korte kalabot sa anti-trafficking in persons sukad bulan sa Disyembre 2016.
Subay sa record sa Iacat nga sa 95 ka kaso, 14 niini ang miresulta sa conviction, 14 ang na-dismiss, upat ang withdrawn, 12 ang gi-archived, unom ang acquitted ug 45 ka kaso ang pabilin nga aktibo.
Segun ni Davao Regional Prosecutor’s Office Deputy Prosecutor Barbara Mae Flores, sagad sa mga inidbidwal nga makonbekto puros mga babaye diin nag-atubang ang mga nahisgutan ug 15 ka tuig nga pagkabilanggo.
Nasayran kang Flores nga mapasakahan ug kaso ang mga akusado gumikan sa pagpaningkamot sa local government units, prosecution office, ug mga sakop sa Philippine National Police, National Bureau of Immigration, social workers, ug daghanan pa.
Pahayag ni Davao Regional Prosecutor’s Office Deputy Prosecutor Barbara Mae Flores. Nasayran nga nakatala karon ang tibuok nasud ug 3,065 ka kaso sa anti-trafficking in persons nga naduso sa korte sa tuig 2016 ug anaa sa 303 ka mga indibidwal ang konbiktado sukad 2005.
