DAVAO CITY – Anaa sa siyam ka mga high-powered firearms nga iya sumala pa sa komunistang grupo nga nag-operate sa utlanan sa Davao-Bukidnon ang narekober sa gipahigayon nga operasyon sa 89th Infantry Battalion ilalom sa 1003rd Infantry Brigade ug 103rd MICO sa hilit nga area sa Sitio Bibislig, Brgy. Gamot, Quezon, Bukidnon.
Ang mga narekober nga mga armas resulta sa nahimong rebelasyon ni alyas “SARA”, usa sa mga samdan nga NPA members ug gibiyaan sa iyang mga kaubanan aton sa nahitabong engkuwentro tali sa 27th Infantry Battalion sa Calinan District sa milabay nga semana.
Kahinumduman nga gidala si Alyas Sara sa SPMC sa 1003rd Infantry Brigade aron nga patambalanan. Nakakuha sumala pa ug pagsalig sa kasundalohan kang alyas Sara gumikan sa pagtambal nga gihatag kaniya.
Gikanayong ang siyam ka mga armas ang susama nga operational condition nga gilangkuban sa pito ka mga M16 rifles, usa (1) M653 rifle, ug usa ka AK 47 rifle.
Ang nahisgutan nga mga armas, ang ipailalom karon sa documentation. Una ng gibutyag ni Brigadier General Nolasco A Mempin, Commander sa 1003rd Infantry Brigade, nga gihatagan pa gihapon nila ug importansiya ang tawhanong katungod ni alyas Sara ug gihatag ang mga gikinahanglan niini lakip na ang uban pang mga miyembro sa NPA nga mibalik sa sabakan sa kagamhanan.
