DAVAO CITY – Moabot sa 9 ka mga establisamento dinhi sa dakbayan sa dabaw ang nahatagan ug safety seal sa department of trade and industry – Davao city.
Kini ang isip pag-ila sa DTI-davao city ngadto sa nahisgutang mga establisamento gumikan sa pagsunod sa covid 19 health protocols nga gitakda sa kagamhanan.
Gikanayon ni DTI Davao City Director Rachel Remitio, kalakip usab sa paghatag ug safety seal ang paggamit s amga contact tracing mechanism sama sa StaySafe.ph.
Dugang pa ni Remetio nga kini usab ang ilang pamaagi sa pag-ila s amga negostante nga nagpabiling sa pag-operate bisan niining panahon sa pandemya.
Ang mga establisamento nga nakadawat ug safety seal ang gilangkuban sa mga barbershops, supermarkets, malls ug mga hardwares.
Gibutyag usab sa nahisgutang opisyal nga aduna na usab silay 24 ka mga establisamento nga na-inspection aron magbaton ug seal.
Salig sumala pa ang mga customers nga mamalit sa mga establisamento kung adunay makita nga naka-paskil nga selyo sa entrance nga bahin niini.
