Hilabihan ang gibati karon nga kagul-anan sa kabanay sa usa ka mabdos human nga nakabsan kini sa kinabuhi tungod natumbahan sa usa ka punuan sa lubi kagahapon sa hapon.
Subay sa report sa mga otoridad, ang biktima nga giila nga si Lyn, 23-anyos nga residente sa Sitio Talaod, Brgy., Ticulon, Malita Davao Occidental.
Sumala pa imbistigasyon sa mga otoridad, nahitabo ang pagkatumba sa kahoy ug lubi pasado ala-Una kagahapon sa hapon.
Sumala pa sa kapulisan kusog ang hangin niadtong tungura sa ilahang palibot nga samtang anaa ang biktima sa maong dapit tungod nanglaba kini sa tubod nga unahan lamang sa ilahang panimalay.
Nakamatikod sumala pa ang biktima nga adunay padulong nga matumba nga punuan sa kahoy sa dapit sa iyahang nahimutangan og nidagan kini apan iyaha sumala pa nga gibalikan ang 3-anyos nga anak og didto na kini naigo sa punuan sa Lubi.
Nadamay pa ang binuhing Iro niini atol sa maong panghitabo.
Nasayran nga buntis ang biktima nga anaa na kini sa siyam ka bulan ang iyahang tiyan. Gidala pa sa ospital si Lyn nga nakahiagom og mga bali sa paa ug kamot ingon man mga samad sa iyahang ulo apan gideklara kini sa doktor nga dead on arrival.
Nasayran nga ang duha ka mga paa sa biktima ang nakaangkon og bali tungod sa pagkatumba sa maong punuan.
Samtang dugang pa sa mga otoridad, nga una nsumala pa nga natumba ang karaan nga kahoy kon centenial tree og napadulong kini sa usa ka punuan sa lubi.
