DAVAO CITY – Ipailalom una sulod sa 15 ka adlaw nga quarantine ang mga peneriso nga gikatakdang ibalhin sa Davao City Jail nga gikan sa mga presohan sa dose ka pulis station sa dakbayan kini aron masiguro nga dili sila positibo sa covid-19.
Una ng gibutyag ni Pol. Col. Kirby John Kraft, director sa DCPO nga anaa sa 88 ka mga peneriso gikan sa 12 ka mga police stations ang aduna nay commitment order nga ibalhin na sa Bureau of Jail Management and Penology (BJMP) human ang napanday nga kasabutan apan kinahanglan nga mopailalom una ang mga nahisgutan sa hugtanon nga health screening.
Tumong sa maong lakang nga makunhuran ang ihap sa mga peneriso sa 12 ka mga detention facility sa dakbayan ilabi na karon nga padayon ang pagsaka niini tungod sa mga nagkadaiyang violations.
Tumong sab niini nga malikayan ang risgo nga makaangkon ug covid-19 nga kasamtangan padayon ang pagsaka sa mga nagpositibo niini dinhi sa dakbayan.
