DAVAO CITY – Gibuhian paingon sa kadagatan ang anaa sa otsentay sais (86) ka mga pawikan hatchlings gikan sa Aboitiz Cleanergy Park Punta Dumalag, Matina Aplaya ning dakbayan sa Davao.
Nasayran nga sukad pa niadtong tuig 2014, anaa na sa musobra pito ka libo ka mga hatchlings sa pawikan ang narelease gikan sa maong lugar.
Matud pa sa mga opisyal nga nagdumala sa maong park, mahinungdanon nga hatagan og pagtagad ang pagprotekta sa mga pawikan aron nga masiguro nga makalahutay kini sa kadagatan ilabi pa nga giila na kini nga mga endangered creatures.
Nasayran nga bisan paman sa kadaghan usab nga mga hatchlings ang gipangbuhian, pipila lamang gihapon niini ang makasurvive ug mudako.
Ang maong aktibidad kagahapong adlawa ang gisaksihan sa mga representante sa nagkadaiyang buhatan gikan sa gobyerno, non-government organizations ug uban pa.
BY BOMBO ALLIANNE SILAO
