DAVAO CITY – Naalarma ang grupong Talikala gumikan sa paspas nga paspas nga pagtaas sa kaso, dili lamang sa human trafficking kundili bisan pa sa child pornography o online sexual exploitation.
Sa tala-an sa Talikala, duna sila’y namonitor nga 82 ka mga biktima nga nag-edad ug dies anyos hangtud sa dese siete anyos.
Sagad sa nahisgutan nga mga bata nahilambigit sa paghimo ug mga law-ay nga mga binuhatan gamit ang enternet. Nasayran gikan kang Jenneth Ampog, executive director ang nahisgutan nga ihap nga 82 gikan lamang sa pito ka mga barangay nga gilakipan sa Leon Garcia, Lapu-Lapu, Sasa, Mintal, Matina Aplaya, Barangay 5-A, ug Barangay 76-A.
Ang nahisgutan nga record gikan lamang sa bulan sa Enero hangtud ning kasamtangan nga bulan.
Sagad sa nahisgutan nga mga batan-on nagagamit na lamang ug smart phones alang sa ilang mga transactions, labi na ngadto sa mga langyaw.
Mokantidad ngadto sa usa ka libo ka pesos online, lakip na ang mga smartphones ug mga laptops.
Nag-una sa ilang mga kleyente mao ang mga Indian nationals, Americans, mga Nigerians, ug mga Chinese.
