Miabot na sa 866,483 ang mga indibidual nga apektado sa daot nga panahon sa nasud Pilipinas.
Kini ang tungod sa nasinatiang hangin nga habagat nga mas gipakusog pa sa bagyo nga Carina ug epekto usab kini sa milabayng bagyo nga Butchoy.
Base sa datos sa National Disaster Risk Reduction and Management Council, ang maong ihap ang katugbang sa 179,744 ka mga pamilya.
Kini usab ang naggikan sa 642 ka mga barangay sa rehiyon sa MIMAROPA, Region 6, 7, 9,10, 11, 12, CARAGA ug BARMM.
Samtang, gikan sa ihap sa mga apektado nga indibidual, 33,645 niini o katugbang sa 7,738 ka mga pamilya ang anaa karong sa kapin 56 ka mga evacuation center nga gimuntar sa mga otoridad.
Sa pagkakaronm anaa na sa walo ka mga indibidual ang natala nga namatay tungod sa kadaot sa panahon diin pito niini ang kumpirmado na ug ang usa ang padayon pa nga ginaberipika.
Gisiguro usab sa gobyerno nga padayon ang ilahang pag-apod-apod og tabang kon diin adunay P29milyon pesos nga kantidad ang ginatagana alang niini.
