DAVAO CITY – Ipasaka na ugmang adlawa ang kasong lugos batok sa usa ka Marlou Cinco, 40 anyos, residente sa Purok 7, San Antonio Village, Barangay Maparat, Compotela Valley Province nga bag-o lamang sab nga nahimong balo.
Kini human logosa sa suspek ang usa ka otsenta anyos nga si Nanay Julieta nga traynta ka tuig na nga nahimong balo.
Natigayon ang pagpanglugos mga alas 3:00 sa kaadlawon niadtong Lunes sa dihang gisulod sa suspek ang pinoy-anan ni Nanay Julieta.
Sumala pa sa tigulang nga gisap-ongan sa suspek ang iyang baba ug igo na lamang sa paghilak human nga gihilabtan ang iyang pagkababaye.
Nasayran nga kauban sa tigulang ang iyang siete anyos nga apo, apan niadtong adlawa gikuha kini sa iyang inahan.
Samtang si Marlou Cinco nga mao ang suspek sa pagpanglugos nabilanggo na sa Compostela Municipal Police Station, sa Compostela Valley Province.
Gi-angkon niya nga labihang huboga niya ug wala masayud nga nalugos niya ang ilang tigulang nga silingan.
