Nagpahibalo ang Department of Agriculture kagahapong adlawa sa walo ka “nawagtang” nga mga farm-to-market road sa Davao Occidental nga nagkantidad og P100 milyon nga gibayran gikan 2021 hangtod 2023 apan wala gayud natukod, sumala sa inisyal nga report sa audit.
Sa usa ka briefing kagahapong adlawa, ang tigpamaba sa DA nga si Arnel de Mesa mibutyag nga ang inisyal nga mga report nakakaplagan nga adunay upat ka mga proyekto sa Davao Occidental nga gipondohan ilawom sa national budget alang sa mga tuig 2021, 2022, ug 2023, ug angay unta nga natapos na kini karong panahuna.
Nasayran nga subay sa inisyal nga imbistigasyon,gireport nga nahuman na ang proyekto,apan wala marekord ang bisan unsang kalampusan hangtod Setyembre 2025 og hangtod nga nagpadayon ang mga kalihokan sa konstruksyon atol sa audit.
Gawas niini, gibutyag usab ni De Mesa nga adunay upat ka uban pang proyekto nga wala matapos nga FMR Audit nga gihimo sa Oktubre 2025.
