Misiliab ang usa ka kalayo kagahapon sa alas 7 sa gabii sa Brgy. 8-A, Purok 1, Fr. Selga Street, nga nakadamay sa daghang kabalayan ug nakapahadlok sa mga residente sa lugar.
Napalong ang sunog pasado alas 9:06 na sab sa gabii, sumala pa sa report sa mga bombero nga dali kaayong nagtubag sa tawag sa emerhensya.
Sumala pa sa Barangay Captain nga si James Abadilla, nga nagsugod sumala pa ang kalayo sa ubos nga bahin sa purok ug misaka, hinungdan nga nadamay ang mga balay nga atubangan mismo sa kalsada.
Gibanabanaan nga anaa sa 8 hangtod 10 ka balay ang naapektuhan, diin daghan niini hinimo sa light materials sama sa kahoy ug nipa nga dali ra masunog.
Naapektuhan usab ang ubang establisemento sama sa boarding house, barbershop, tindahan, ug uban pang panimalay nga nagpuyo ang mga pamilya sa sulod.
Daghang residente ang dali nga misulay og luwas sa ilang kaugalingon ug sa ilang mga kabtangan, samtang uban nangayo og tabang sa ilahang silingan.
Kini na ang ikaduhang sunog nga nahitabo sa lugar sukad sa unang insidente sa 2018, nga naghatag og kahadlok ug kahingawa sa komunidad nga masiguro ang kaluwasan sa ilang panimalay.
Gisuta pa ang kompleto nga detalye sa sunog, lakip na ang posibleng hinungdan niini, gidaghanon sa nadamay, ug kung aduna bay naangol o nasamdan.
Gipahibalo usab sa kapulisan ang mga residente sa pag-amping ug pag-obserbar sa palibot aron malikayan ang susamang insidente sa umaabot.
