Gitabangan og lugos ang usa ka 8-anyos nga batang babaye sa mga bata nga nag edad og 9, 11, 12, ug 15 anyos, ngadto sa usa ka sapa sa mingaw nga dapit sa dakbayan sa Toledo, niadtong nakalabayng mga adlaw.
Sumala pa sa inahan sa biktima nga niadtong tungura gidala matud pa ang iyahang anak sa sapa nga adunay distansya sa ilahang panimalay sa mga ig-agaw niini uban sa 12 anyos nga bag-ong nagpuyo sa ilahang dapit.
Nasyaran nga didto sa sapa sumala pa gi sugo sa usa ka 12-anyos ang iyahang mga kauban nga lugoson ang biktima samtang ang 9-anyos nga kaliwat ra usab sa biktima mao matud pa ang nag duwa sa iyang kinatawo samtang nag tan-aw sa gibuhat sa 11, 12 ug 15 anyos.
Apan, human sa maong pagpanglugos sa mga walay buot nga mga bata ngadto sa usa ka 8-anyos nga batang babaye, gibati og kakonsensya ang 9-anyos nga lalake kansang nailhan nga ig-agaw kini sa maong biktima og misumbong kini ngadto sa igsuon sa ilahang gilugos nga babaye.
Gumikan sa maong pagsumbong, dali nga nahibal-an sa inahan sa maong biktima ang maong panghitabo og midangop gilayon kini ngadto sa buhatan sa Toledo City Police Station.
Apan, igo na lamang sa pagkagot sa ngipon ang maong inahan sa kalagot, gumikan dili angayang ma priso ang mga nanglugos gumikan mga menor-de edad pa kini, diin dili pa angayang mapasakahan og kaso, ug gi turn over na lamang kini sa Department of Social Welfare and Development ang maong mga nahisgutan.
Gumikan na sab sa maong insidente, naglusad gilayon og imbestigasyon ang mga sakop sa DSWD, diin gipatawag ang mga ginikanan sa mga menor-de-edad nga nanglugos og 8-anyos nga batang babaye.
Ug sa pagsuta niini, mitug-an ang tulo ka mga bata nga gisundog lamang sumala pa nila ang ilahang nakita gikan sa usa ka pornographic websites nga nagapaguwa og mga video nga adunay malaw-ay nga binuhatan.
Kamo mga kabombo, si kinsa man ang angayang silotan? ang mga bata nga nagbuhat sa maong imoral nga binuhatan? o ang mga ginikanan nga ginapasagdan lamang ang ilahang mga anak nga maglantaw og mga malaw-ay nga mga butang sa internet?
