78 ka punoan sa gidudahang Marjiuana, gilarot.

DAVAO CITY- Gipanglarot ang muabot sa 78 ka mga punoan sa gidudahang Marijuana atol sa gipahigayong Joint Minor Internal Security Operation sa mga personahe sa Davao Oriental Police Mobile Force Company kauban ang uban pang ahensya sa Brgy. Sobrecarey, Munisipalidad sa Caraga, Davao Oriental.

Gibana-banaang muabot sa P15,600 ang kantidad sa na up-root nga mga punoan sa Marijuana. Nahimong malampuson ang operasyon pinaagi sab sa hiniusang pwersa sa kapulisan sa maong lungsod.

Kasamtangang nagpahigayon na karon og imbestigasyon ang mga sakop sa Caraga Municipal Police Station alang sa pag-ila kung kinsa ang suspek ug kung kinsa ang nanag-iya sa maong iligal nga pananom aron nga madakpan kini ug gilayon kining mapasakaan og tukmang kaso.