DAVAO CITY – Boluntaryong mitahan sa iyahang kaugalingon ang usa ka 77-anyos nga Lolo sa mga kapulisan human kining nanigbas sa iyahang kaugalingong silingan.
Natigayon ang maong insidente sa Antipolo River located at Purok 9, Ramon Magsaysay, Brgy Calinan, ning dakbayan sa dabaw.
Giila ang maong dinakpan nga si alyas”TOTO”, 77 anyos, usa ka mag-uuma ug lumulupyo sa Purok 9, Ramon Magsaysay street, Brgy Calinan Poblavion, Calinan, Davao City.
Samtang ang biktima mao si alyas “Jonard”, 37 anyos ug residente sa Purok 14, Ramon Magsaysay street, Brgy Calinan, siyudad sa Dabaw.
Base sa report sa mga kapulisan, samtang gainom matod pa ang maong biktima kauban ang mga higala niini, kalit lamang kining giduol matod pa sa maong suspetsado ug gitigbas kini rason usab nganong nakahiagom kini ug samad sa iyahang ulo ug abaga nga bahin.
Nakumpiska sa gikahitabuan ang gigamit sa maong suspetsado nga usa ka sundang nga adunay katas-ong 24 inches.
Ning kasamtangan anaa na sa kwerpo sa mga kapulisan ang maong suspetsado alang usab sa paga-atubangon niining kaso samtang ang biktima anaa usab sa balay tambalanan alang sa saktong pagpaalim.
