DAVAO CITY – Duha ka training sites nga mao ang Almendras Gym Davao City Recreation Center ug Calinan Gym ang gamiton sa pagbansay sa kinatibuk-ang 754 Civil Security Personnel nga ipailalom sa pagbansay aron nga masiguro nga andam ang kagamhanan ilabi na ang dakbayan sa Davao sa higayon nga adunay mahitabong terror attacks.
Matud pa kang Public Safety and Security Command Center (PSSCC) chief Retired General Benito De Leon, nga usa ka pagpangandam ang maong lakang aron nga dili mahitabo dinhi sa dakbayan ang gidangatan sa Marawi ug dali sab nga makaresponde ang mga sakop sa otoridad.
Gikanayong ang CSU maoy mohupot sa pipila ka mga tahas nga gihuptan sa Task Force Davao (TFD) ug sa Philippine National Police (PNP) sama sa pag-check sa mga bagahe.
Gumikan kay usa ka semana ang maong pagbansay ug aron masiguro nga dili magkulang ang CSU samtang gipahigayon ang training, tungaon sa duruha ka bahin ang grupo diin pipila ka mga personahe gikan sa PNP ug Armed Forces of the Philippines ang gihangyo nga mo-cover sa serbisyo nga gihuptan sa CSU samtang anaa kini sa training.
