Liboan pa gihapon sa mga Pilipino ang wala pa nakabangon gikan sa pagtamas-tamas sa mga miaging mga bagyo sa nasud.
Subay sa datos gikan sa National Disaster Risk Reduction and Management Council (NDRRMC) kagahapong adlawa, anaa na matud pa sa kinatibuk-ang 7,233 ka mga pamilya ang nagarekober karun, gikan sa lima ka adlaw nga pag kuso-kuso sa bagyong Marce.
Ang mga naapektuhang pamilya maoy naggikan sa Ilocos Region, Cagayan Valley ug Cordillera Administrative Region (CAR).
Subay usab sa datos gikan sa Office of the Civil Defense (OCD), ang mga apektadong pamilya, maoy na-displace ug nagkinahanglang ibalhin o mupahawa sa ilahang mga puluy-anan.
Apan sa karun, wala sumala pay nataho nga adunay nakabsan, gumikan sa maong bagyo.
Sa kasamtangan, halos anaa sa 4,000 ka mga pamilya ang nagpabilin sa mga evacuation center, samtang adunay 960 usab ka mga pamilya ang midangop sa ubang dapit.
