7 patay human nahagsa ang helicopter sa Qatar

Patay ang pito ka sakay sa usa ka helicopter human kini nahagsa sa kadagatan sa dapit sa Qatar.

Ang mga biktima gilangkuban sa upat ka Qatari military personnel, usa ka Turkish serviceman, ug duha ka technician gikan sa usa ka Turkish defense company.

Gikumpirma sa interior ministry sa Qatar nga ilahang nakit-an na ang tanang patay nga lawas sa pito ka mga biktima.

Ang mga sakay sa helicopter kabahin sa usa ka military exercise.

Nasayran nga adunay military base ang Turkey sa Qatar sukad pa niadtong 2014.

Padayon karon nga giimbestigahan sa mga otoridad ang hinungdan sa pagkahagsa sa maong helicopter.