DAVAO CITY – Gihatagan ug pasidungog ang pito ka mga policewomen nga nadestino sa nagkadaiyang police precincts sa Davao City Police Office (DCPO) gumikan sa ilang nahatag nga kontribusyon aron nga tabangan ang mga kababaenhan ug kabataan nga nabutang sa risgo tungod sa pagpangabuso.
Tipik lamang kini isip kabahin sa kasaulogan sa women’s month ug gihimong pagpaningkamut sa mga police women sa ilang organisasyon. Una ng gibutyag ni Sr. Insp.
Maria Teresita Gaspan, DCPO spokesperson, nga pito ka mga opisyal ang naggikan sa women and children’s protection desks sa Talomo, San Pedro, Calinan, Tugbok, Sasa, Buhangin, ug WCPD main office sulod sa Camp Leonor Domingo sa San Pedro Street.
Gitataw sab sa mga nahisgutan nga kinahanglan magsilbi sila nga inspirasyon sa uban ilabi na sa interes sa mga kababaenhan ug mga kabataan.
