DAVAO CITY – Gawasnon na sa ilegal nga droga ang pito ka local government units kon LGU sa Davao Region. Pormal kining gideklara kagahapong adlawa, sa Regional Oversight Committee on Barangay Drug Clearing kon ROCBDC.
Gitambungan mismo ni Philippine National Police chief Gen. Rodolfo Azurin Jr. ang distribution of plaques ngadto sa drug-cleared LGUs nga mao ang Malalag sa Davao del Sur, Malita, ug Sta. Maria in Davao Occidental, Talaingod ug San Isidro in Davao del Norte, Boston sa Davao Oriental, ug Mawab sa Davao de Oro.
Busa nanghinaot si PNP chief Gen. Rodolfo Azurin Jr., nga mapatuman ang regular dialogue sa concerned agencies ngadto sa mga barangay ug importante usab ang visibility sa police personnel.
Dugang pa sa opisyal nga apil sa kampanya sa pagkab-ot sa drug cleared barangay mao ang pagpahigayon og social investigation kon nganung dunay mga drug peddlers ug unsa ang nagtukmod sa maong mga individual aron mamaligya ug illegal nga droga.
Sumala usab kang PDEA XI Regional Director Aileen Lovitos, ang pito ka LGU mao ang unang mga lugar sa Davao Region ang nahinlo sa illegal nga droga.
Una mahimong drug cleared ang usa ka LGU, kinahanglang ikonsidera nga wala nay illegal drug supply, illegal transit ug shipment, no laboratories, no chemical warehouse, no marijuana cultivation sight, no drug den resort, no drug pusher, user, ug protector sa matag barangay niini.
Gikan sa 1,162 ka barangay sa Davao Region nga gipailawom sa assessment, anaa lang sa 894 ang pasado sa oversight committee.
