-- ADVERTISEMENT --
Patay ang pito ka mga bata human maguba ang parte sa atop ug bungbong sa usa ka eskwelahan sa kasadpang bahin sa India.
Sumala sa imbestigasyon sa mga otoridad, kalit lamang nahugno ang bungbong ug atop samtang nagklase pa ang mga estudyante sa Jhalawar district, Rajasthan state. Duha ka dosena kapin o 26 ang naangol sa trahedya.
Gibanabanaan nga 60 ka mga magtutungha, magtutudlo ug mga staff ang anaa sa sulod sa usa ka andana nga building sa dihang nahitabo ang aksidente.
Giisip nga hinungdan sa insidente ang walay hunong nga pag-ulan sulod sa pipila ka adlaw sa maong lugar.
