Mokabat sa Pito ka mga panimalay ang naugdaw human sa nahitabong sunog kagahapon sa buntag samtang usa ang partially damage.
Subay sa report sa mga otoridad, nagsugod ang pag-ulbo sa kalayo pasado alas Otso sa buntag sa Purok Rattan, Unit 7, Barangay Apokon, Tagum City.
Mokabat usab sa 22 ka mga pamilya ang apektado sa nasampit nga sunog.
Sa pagkakaron, padayon pang ginasubay ang hinungdan sa pag-ulbo sa kalayo ingon man ang kinatibuk-an nga danyos niini.
Gilayon usab nga gihatagan og pasiunang tabang ang mga biktima diin nakadawat kini og mga sleeping kits, kitchen kits, relief supplies ug family kits Department of Social Welfare and Development (DSWD).
Samtang sa laing bahin, nasunog usab ang usa ka Bansohan sa Sto.Niño Carmen Davao del Norte nga nahimutang kini haduol lamang sa Asuncion, Davao Del Norte.
Nasayran nga nagsugod ang pag-ulbo sa kalayo pasado alas Onsi sa buntag samtang padayon pa gihapon ang silaob niini pasado alas Siete kagabii.
Ginasuta pa usab sa mga kabomberohan ang hinungdan sa sunog.
Gumikan niini, subaling nagpahimangno ang mga otoridad ang mga residente na mag-igmat ug siguraduhon nga luwas ang matag pinuy-anan aron makalikay sa susamang panghitabo.
