Dungan nga gipahigayon sa Police Regional Office XI ang pagbotar sa mga kapulisan sa ilahang buhatan atol sa Local Absentee Voting sa Commission on Elections, karong adlawa.
Sumala pa ni PRO-11 spokesperson PMaj. Catherine Dela Rey, nga molungtad og tulo ka adlaw ang absentee voting nga kini matapos sa Abril 30. Dugang pa sa opisyal nga kaganihang buntag gisugdan ang pagbotar sa kapulisan.
Nasayran nga anaa sa 953 ka mga pulis dinhi sa rehiyon ang naaprubahan gikan sa 1, 183 nga nag-apply.Nagpasalamat usab ang opisyal sa mga kaubanang pulis sa ilahang pagpadayag sa katungod isip mga Pilipino alang pagboto sa saktong kandidato. Una na usab kaganihang buntag si PNP Chief Marbil ang nanguna sa gipahigayon nga Absentee Voting dinhi sa rehiyon.
Ang absentee voting dinhi sa nasud mao ang usa ka proseso nga nagtugot sa mga rehistradong botante nga dili makapalusad sa aktuwal nga eleksyon gumikan sa mga rason sama sa trabaho, kalayo sa lugar, sakit, o uban pang mga hinungdan. Kini usab ang usa ka pamaagi aron matabangan ang mga Pilipino nga adunay rason nga dili makapahimulos sa aktuwal nga pagbotar sa mga lugar nga gipahigayon ang eleksyon.
