Gikatakda nga paga-abrihan na karong bulan sa Agosto ang Bagong Urgent Care and Ambulatory Services (BUCAS) center nga nahimutang sa Marilog Dist.ning dakbayan sa Davao.

Kini nga buhatan ang kabahin sa programa ni DOH Secretary Teodoro Herbosa nga “28 for 28 by 28” nga usa ka inisyatibo sa pagtabang alang sa katumanan 8-Point Action Agenda alang sa panglawas nga ang tumong makatukod ug 28 ka mga BUCAS Centers sa nasud aron nga maalagaran ang 28 million ka mga Pilipino nga hilabihang anagkinahanglan pagtagad ug adunay kalidad nga pag-atiman sa hisguatanang panglawas sa tuig 2028.

Gipangunahan sa Department of Health-Davao Center for Health Development pinaagi sa tabang sa Southern Philippines Medical Center (SPMC) ang katukuran ug ang gikatakdang pag-abri niini. Gibutyag ni Dr. Anabelle P. Yumang, ang regional director sa DOH-Davao Region, nga gipahibalo kaniya sa SPMC officer-in-charge medical center chief nga ang pag-abri sa Marilog BUCAS Center target niini karong Agosto.

Nasayran nga adunay duha ka mga BUCAS center sa Davao Regional Medical Center ang kasamtangang nakaserbisyo sa katawhan sa Tagum Davao Del Norte ug sa Davao Occidental General Hospital sa Malita.

Samtang gipaklaro niini nga ang DRMC outpatient pa lamang ang ginahimo karong panahuna and ang gitawag nga full operation ang ipatuman karong Hulyo 31.

Una ng gikabutyag sa DOH, nga ang BUCAS Center usa ka health facility nga ang tumong tinguaha mao ang pagtabang sa mga kakulangan sa Health care facilities sa mga rural areas ngadto na sa higher-level health institutions kon mga hospitals nga maghatag ug serbisyo sa hisgutanang medikal nga mopailawom usab sa mga minor surgery ug uban pang mga serbisyo sa tibuok semana lakip ang adlaw nga Sabado ug Dominggo.