DAVAO CITY- Nagmuntar ang Public Safety and Security Command Center (PSSCC) ug pipila ka mga closed-circuit television (CCTV) cameras palibot sa University of the Philippines (UP) Mindanao Sports Complex ug billeting areas sa mga delegado sa Palarong Pambansa 2019 aron nga imonitor ang ilang seguridad.
Sumala pa kang PSSCC deputy head Angel Sumagaysay, gilaoman nila ang 20,000 ka mga indibidwal kalakip na ang athletes, coaches, miyembro sa delegasyon, ginikanan, government officials ud visitors nga makighiusa atol sa grand opening sa Abril 28.
Laoman sba sumala pa nga motambong si Pangulong Rodrigo Duterte nga magsilbing keynote speaker. Base sa update sa technical team, naka-link ang CCTVs sa 20 billeting quarters sa ilang command center.
Gani pipila ka mga CCTV cameras ang gipamalit alang lamang sa maong aktibidad samtang ang uban ang naka-standby.
Sa kasamtangan, nag-operate ang siyudad ug 200 CCTV cameras sa Poblacion District diin kadaghanan niini ang gipahimutang sa mga nag-unang kadalanan sa dakbayan.
