DAVAO CITY – Nag-una sumala pa ang Police Regional Office (PRO)-Davao sa listahan sa Philippine National Police nga adunay pinakataas nga ihap sa crime solution efficiency (CSE) o mga kaso nga nasulbad sa mga PNP regional offices atol sa unang quarter ning tuig kasamtangan nga adunay 85.41 percent.
Mas taas sumala pa kini sa 74.34 percent CSE sa susama nga period sa 2018.
Gimentina sa PRO-Davao ang spot sa mga adunay nasulbad nga krimen ug uban pang regional offices base sa data nga gipagula ni Police Colonel James T. Goforth, chief sa Regional Investigation and Detective Management Division (RIDMD) sa PNP Camp Crame nga gikan sa Crime Research and Analysis Center of the Directorate for Investigation and Detective Management.
Ang uban nga rehiyon nga nakaangkon ug mas taas nga ihap sa CSE ang gilangkuban sa Caraga (89.39 percent) ug Ilocos Region nga adunay 83.01 percent.
Sumala pa kang Police Brigadier General Marcelo Morales, PRO-Davao director, nga ang ilang mga naangkon nga accomplishments ang bunga sa ilang pagpaningkamot ug pagpatuman sa police operations ug Oplan Tokhang.
Ang gipalig-on nga enforcement sa local ordinances ang nakatabang sab aron nga batukan ang kaso sa pagpangawat, robbery, ug physical injury ingon man ang pagpatuman sa Oplan Dabaw Kalinaw sa rehiyon.
