Gibutyag sa Direktor sa National Bureau of Investigation XI, nga si Atty. Arcelito Albao, nga ilaha na nga gisang-at ang 66 ka mga kaso batok sa mga empleyado sa Sta. Cruz ug mga Chinese nationals gumikan sa pagpagawas og 1,576 ka mga peke nga Birth Certificate sa probinsya sa Davao del Sur. Sumala pa sa opisyal nga ang ihap sa mga kwestiyonableng birth certificate misaka gikan sa 500 ug 1,000 ngadto sa 1,576. Kini nga mga Certificate ang gipagawas tali sa tuig 2018, 2019,ug 2021.
Sumala pa sa nahisgutan nga ilahang gipahigayon ang imbestigasyon, nga naglangkob niadtong tuig 2016 hangtod 2023, ug hangtod ning panahuna. Gikumpirma usab ni Albao nga sa pagkakaron, nakapagsang-at na sila og 66 ka mga kaso sa Ombudsman Mindanao. Lakip sa mga gikusahan ang mga empleyado sa Sta. Cruz ug mga Chinese nationals.
Gipasaka ang kaso nga pagsupak sa balaod kabahin sa the registry of civil status, falsification of public documents, graft and corruption, ug ang perjury. Gidugang usab sa nahisgutan nga ning panahuna, daghan pa ang mga lokal nga pangagamhanan dinhi sa Davao Region ang kasamtangang giimbestigahan karong panahuna.
