DAVAO CITY – Gikumpirma sa gipagulang report sa Provincial Epidemiologic Surveillance Unit (PESU) nga usa sa natalang namatay sa covid-19 sa lalawigan sa Davao Oriental ang nagpositibo sumala pa sa South African Variant sa Covid-19.
Sumala pa sa PESU ug swab specimen taken ang usa ka 63 anyos nga lalaki nga taga Mati City nga namatay kaniadtong Mayo 17 ug migula sa resulta kagabie lamang Hulyo 8 nga bag-ong variant ang mitakod niini.
Nasayran nga naadmit kini sa Davao Regional Medical Center kaniadtong Mayo 9, 2021 ug namatay gumikan sa respiratory failure secondary to acute distress syndrome, secondary to COVID-19 pneumonia.
Gawas niini adunay comorbidities sab ang pasyente sama sa hypertension ug diabetes. Kahinumduman nga ang South African variant gikonsidera nga variants of concern gumikan kay paspas kini nga makatakod o dali lamang nga mokatag.
Nagpahimangno karon ang Provincial Task Force COVID-19 sa publiko nga hugtanong motamud sa standard health protocols ug motuman sa quarantine guidelines aron nga mapugngan ang pagkatag sa virus.
Gi-awhag sab ang publiko nga magpabakuna aron nga makakuha ug igong proteksiyon batok sa kagaw.
