DAVAO CITY – Dakpan sa hiniusang puwersa sa Philippine Drug Enforcement Agency Regional Office XI Special Enforcement Team (RSET) ug National Bureau of Investigation SEMRO XI sa buy-bust operation kagahapon sa hapon ang usa ka 60 anyos nga lalaki sa Westbend Street, San Antonio Village, Matina, ning dakbayan.
Naila ang dinakpan nga Victor Pormento alyas Vic/Tata, 60 anyos, ulitawo, number 1 sa City Target List ug residente sa nahisgutan nga lugar.
Nasikop ang nahisgutan human nga namaligya kini ug pakete sa illegal nga druga nga mutimbang ug kapin kun kulang Php. 10,000 ngadto sa PDEA Agent nga nagpaka-aron ingnon ng poseur buyer.
Dihang gihiling ang nahisgutan, nakuha pa sa iyang posisyon ang lain pa nga mga pakete sa illegal nga nga mutimbang ug kapin kun kulang (19) grams o adunay street value nga Php. 285,000, nagkadaiyang drug paraphernalia, buy-bust marked money ug boodle money.
Nasayran nga una ng nasikop ang nahisgutan kaniadtonmg Marso 2004 gumikan pa gihapon sa pagkalambigit sa illegal nga druga apan nakagawas human nga nakaduso ug piyansa apan nasikop na sab kaniadtong Disyembre 2014 human nga nalambigit pa gihapon sa pagpamaligya ug illegal nga druga apan naka-avail sa plea bargaining hinungdan nga nakagawas kaniadtong Oktubre 2019.
Apan wala pa gihapon natagam ang nahisgutan ug mibalik pa gihapon sa iyang bisyo hangtud nga subli na sab nga nasikop sa anti- drug law.
Subli nga pagsakahan si Pormento ug kasong paglapas sa Republic Act 9165 o Comprehensive Dangerous Drugs Act of 2002.
Balik karun sa presohan ang dinakpan ug gikustodiya na sab sa otoridad ang mga nakumpiskang illegal nga druga aron ipailalom sa eksaminasyon ug may gamiton nga ebidensiya sa iduso nga kaso.
