DAVAO CITY – Gipang isolate na ang 6 ka mga nagpositibo nga mga vendors sa Bankerohan Public Market human sa gipahigayong mass testing sa nahisgutang usa sa ginadagsa sa mga tawo nga Merkado sa dakbayan sa dabaw.
Nakatakda sumala pa nga ipailom na sab sa swab test ang pamilya sa mga nagpositibo ingon man mga nakahimamat niini, diin posible sab nga ipailalom sa swab test ang indibidwal nga nakahimamat sa kabanay nila kung magpositibo kini subay sa gipagulang Executive Order 20 ni Davao City Vice President Sebastian Duterte nga ipailalom sa swab test ang nakahimamat sa F1,F2 ug F3.
Una ng gibutyag ni Brgy. 5-A Kapitan Edgar Ibuyan Sr., duha ang positive gikan sa iyang Barangay ug usa ka functionary, samtang upat gikan sa Brgy. Cabantian, 9-A ug Maa.
Una niini 600 ka individual ang gipailawom sa swab test sa maong palengke.
Kahinumdoman nga una ng gipailalom ang mga verndor ug trabahante sa Agdao Public Market diin 9 ang nagpositibo niini.
Una na sab nga gibutyag sa otoridad nga ipadayon nila ang mass testing sa dakbayan aron mapugngan ang pagkuyanap sa Covid-19 ilabi na karon nga padayon nga naga ubos ang kaso sa syudad.
