Misaka na sa Unom ang kumpirmadong patay human sa kusog nga magnitude 7.4 nga linog nga miigo sa Manay, Davao Oriental ug mikuyanap sa nagkalain-laing parte sa Davao Region pasado alas 9:43 sa buntag, Oktubre 10, 2025.
Base sa inisyal nga report, usa ka bata ang namatay sa Pantukan, Davao de Oro human matud pa mahulog gikan sa katre atol sa kusog nga pagtay-og.
Labihan ang kasakit sa pamilya nga mibangotan sa kalit nga pagkamatay sa bata.
Sa Davao City, usa ka 80-anyos nga tigulang ang namatay dihang natumbahan sa natumpag nga konkreto nga pader.
Samtang sa Mati City, usa ka babaye sab ang naigo sa natumba nga pader ug wala na makaluwas.
Dugang pa, usa pa ka biktima ang namatay tungod sa atake sa kasingkasing sa dihang nahitabo ang linog.
Padayon karon ang pagpanglimpyo ug search-and-rescue operations sa mga apektadong lugar samtang nagpadayon usab ang monitoring sa PHIVOLCS alang sa mga posibleng aftershocks.
Gipahimangnoan ang katawhan nga magmatngon, dili mobalik dayon sa mga nadaot nga estruktura, ug magpabilin nga malinawon samtang padayon ang pagtabang sa mga otoridad sa mga biktima.
