6 patay human gipamusil sa Jerusalem

Unom ka mga tawo ang namatay human sila gipamusil sa Jerusalem.

Sa maong insidente, walo usab ka tawo ang nasamdan, lakip na ang usa ka Palestino nga giingong naangol.

Base sa imbestigasyon sa mga otoridad, miabot ang duha ka suspek nga nagsakay og sakyanan ug didto gipamusil ang mga tawo nga nagpaabot sa bus stop sa Ramot Junction.

Mibalos usab sa pagpusil ang usa ka off-duty nga sundalo ug usa ka sibilyan hangtod mapatay ang mga suspek.

Ang mga biktima naglangkob sa lima ka lalaki nga adunay edad nga 25 hangtod 79 anyos, ug usa ka babaye nga 60 anyos.

Sumala ni Prime Minister Benjamin Netanyahu, iyang susihon kung paunsa nakalusot ang mga suspek sa ilahang seguridad.