DAVAO CITY – Ugdaw ang pipila ka lawak sa usa ka Semenaryo human nga miulbo ang dakong sunog pasado alas onsi ang takna sa sayong kaudtuhon sa sitio soriano curvada-1 Societas Verbi Divini kon SVD building, Catalunan Grande, ning syudad.
Subay sa report sa Talomo Bureau of fire protection, nakadawat matud pa sila og tawag mga alas 11:12, ug gilayon nila kining girespondehan diin niabot sila sa lugar nga kusog na ang pagsilaob sa kalayo.
Sumala pa nga mismong sa recreational room nahitabo ang maong sunog, nga nahimutang kini sa 2nd floor sa maong gambalay.
Dugang pa nga adunay 11 ka kwarto sa maong andana, diin unom ka mga rooms niini ang totally damaged.
Gumikan karaan na ang building ug gama sa light materials ang pipila ka bahin sa maong gambalay, paspas nga mikuyanap ang kalayo.
Sa paghinabi sa Bombo Radyo sa usa sa mga caretaker nga si alyas Rosalinda, eskwelahan matud pa kini sa una sa mga seminarista apan karun ginahimo na lamang kining rest house sa mga pari.
Aduna matud pa sila’y umaabot nga bisita karung Sabado gikan sa San Carlos University sa Cebu busa nanglimpyo sila kaganiha sa gambalay apan human sa ilang pagpanglimpyo nakurat na lamang sila sa dihang nikalit lang ug aso sa recreational area.
Wala usab nasalbar si Father Ernesto Salvar,usa ka SVD priest rason nga tapot lawas lamang ang nasalbar niini gumikan katapad lang sa iyahang kwarto ang mismong recreational area diin nagsugod ang pagl-ulbo sa kalayo.
Gideklarang fire out sa Talomo BFP alas 12:20 sa udto, apan karun padayun pang ginasuta ang hinungdan sa maong sunog ug maayu na lamang walay naangol kon casualty atol sa maong panghitabo.
