-- ADVERTISEMENT --

DAVAO CITY- Nabanggaan ang unom ka mga indibidwal human kining mitabok sa pedestrian crossing lane nga nahimutang sa Bunawan, San Isidro ning dakbayan sa Davao.

Subay sa imbestigasyon nga gipagawas sa Bunawan Police Station, adunay usa ka motor nga paspas ang pagpadagan bisan paman nga anaa kini miagi sa pedestrian lane.

Niadtong higayona, naatlan sab nga adunay mga tawo ang nanabok sa dalan rason nga haros gayud kining nabanggaan.

Ang mga biktima ang hinanaling gidala sa Southern Philippines Medical Center (SPMC).

Subay sa impormasyon, giila ang mga biktima nga sila Lester Luayon,29 anyos; Gilbert Booc, 34 anyos; Hannisa Badaron, 15 anyos; Ruhim Vallejo ,11 anyos; Yhanna Quezada, 12 anyos ug Angeline Villasan,17 anyos. Padayon pang nagpaalim ang pipila sa mga biktima samtang ang uban ang nakauli na sa ilang tagsa-tagsa ka mga panimalay.

-- ADVERTISEMENT --

VIA|| DANICA BAGUIO