DAVAO CITY- Gipasigarbo sa Joint Task Force Agila nga muabot sa unom ka mga Communist Terrorist Group ang ilang nabungkag gikan niadtong bulan sa Hulyo hangtod Setyembre ning kasamtangang tuig.
Nailhan ang mga grupo nga mao ang Sub-Regional Committee 1,2,4,5, Guerilla Front 18 ug Regional Sentro de Grabidad ilawom sa Southern Mindanao Regional Committee.
Naka-engkwentro usab ang hut-ong og 7 ka grupo nga miresulta sa pagka-neutralize sa 59 ka mga Communist NPA Terrorists diin 7 niini ang namatay, 2 ang nasikop ug 50 ang misurender.
Muabot sab sa 47 ka mga armas ang nakompiskar diin 44 niini ang high-powered ug 3 ang low powered firearms nga anaa na karon sa kustodiya sa maong ahensiya.
Dugang pa niini, gipasalamatan usab ni Joint Task Force Agila Commander MGen Nolasco Mempin ang tanan niining miyembro gumikan sa kadaugan sa pagneutralize sa maong mga grupo.
