6 ka adlaw nga gunban ipatuman sugod karong adlawa isip pagpangandam sa pagpanumpa ni Vice President –elect Sara Duterte Carpio.

DAVAO CITY – Magsugod karong adlawa ang unom ka adlaw nga ipatumang gunban sa Philippine National Police dinhi sa dakbayan sa Dabaw isip pagpangandam sa inagurasyon ni Vice President elect Sara Duterte karong June 19, 2022.

Ang nahisgutang kamanduan ang  gipahibalo ni PNP director for operation Police major General Valeriano De Leon.   Gikanayon ni De Leon nga kini ang subay sa rekomendasyon ni PNP chief  General Vicente Danao ilabi pa nga ang kasikbit nga mga rehiyon ang nakasinati ug sunod-sunod nga pagpamomba.

Molungtad ang pagpatuman sa nahisgutang gunban hangtud sa Hunyo 21, 2022.  Samtang, gikanayon usab ni Mgen Nolasco Mempin, ang commander sa 10^th ID Philippine Army nga gipatuman na usab ang hugot ug estrikto nga  seguridad sa mga border checkpoint ug security patrol  dili lamang sa task force davao  kung lakip na usab sa uban pang unit sa military. 

Dugang pa ni Mempin nga gawas sa ipakatag nga kasundaluhan,   gamiton usba nila ang air, sea ug land assets sa Eastern Mindanao Command.  

Gilauman nga moabot sa 25 mil ka mga tawo ang motambong sa oath taking ni VP elect Sara Duterte karong adlaw nga domingo nga himuon sa San pedro Square ning dakbayan sxa dabaw.   

sa pikas bahin, ipatuman usab ang gunban sa metro  manila sugod June 27 hangtud July 2, 2022 alan na usba sa inagurasyon ni President elect Bongbong Marcos.