DAVAO CITY – Mikabat sa unom ka mga panimalay ang gilamoy sa kalayo atol sa nahitabong sunog pasado alas nuebe kaganinang buntag sa Purok 17-B Talisay Street Lower Madapo Bankerohan ning dakbayan sa Davao.
Wala na nakatabok pa ang kalayo sa mga silingan nga balay human nga paspas sab nga nakaresponde ang mga sakop sa kabomberohan.
Gikanayong dali sab nga mikatag ang kalayo gumikan kay kadaghanan sa mga panimalay ang gama lamang sa mga light materials.
Sa inisyal nga imbestigasyon sa kabomberohan, gibutyag ni SFO1 Edie Polinar, BFP investigator napasagdan sumala pa nga kandila ang hinungdan sa sunog nga nanukad sa panimalay sa usa ka Bobong Chen human nga naputlan kini ug kuryente sulod sa duruha ka semana.
Gikanayong mikabat sa P180,000 ang inisyal nga damyos sa nahitabong sunog. Padayon pa karon ang gipahigayon nga imbestigasyon sa otoridad.
