Gihiluna na sa iyahang kabanay ang usa ka 6 anyos nga batang lalaki nga nalumos kagahapong adlawa sa kadagatang bahin sa Manguihay, Brgy. Dahican, dakbayan sa Mati.
Subay sa report sa kapulisan, hiila ang biktima nga si Alanrio Magbasa Grade 1 pupil nga nagpuyo sa Purok Kalaparan, Marforie, Barangay Don Enrique, Mati City, Davao Oriental.
Subay sa gipahigayon nga imbistigasyon sa mga otoridad, nalumos ang bata pasado alas kwatro sa hapon.
Subay sa pahayag sa inahan sa biktima, giimbitahan sila nga maligo sa Manguihay kay gustong magpabugnaw tungod usab sa grabing kainint sa panahon ug natunong pa nga walay kuryente sa maong lugar.
Dugang pa sa inahan nga wala nila dayon nabanyanan nga nalumos na ang iyahang anak gumikan nabusy kini sa pag-andam sa ilahang mga pagkaon.
Nakabalo na lamang kini human nga nakit-an ang biktima ilawom sa tubig sa iyahang uyuan.
Gisulayan pa sa mga nangaligo sa maong beach nga i-revive ang bata, ug gilayon kining gidala sa Davao Oriental Provincial Medical Center (DOPMC), apan pag-abot niini, gideklata sa mga doktor nga dead on arrival pasado alas 5 sa hapon.
