Gitay-og og 6.8 magnitude nga linog ang Southwest China sa Xizang Autonomous Region.
Mokabat na sumala pa sa 95 ka mga indibidwal ang gikumpirmang patay, samtang anaa sa 130 ang mga naangol.
Anaa na sab sa 1,500 ka mga emergency workers ug military personnel ang gipadala aron nga makig-koordinar sa mga relief efforts.
Sumala sa United States Geological Survey (USGS), ang linog adunay kalalom nga 10 kilometro nga ginasundan pa og kusog nga mga aftershocks.
Nakaapekto usab kini sa tiilan sa Himalayas, ug kapin sa 1,000 ka mga establisyamento ang nadaut.
Sa pagka karon, padayon ang mga rescue operasyon sa mga awtoridad nga nagapaningkamot sa pagluwas sa mga survivors.
Ang lugar sumala pa kanunay na nga maapektohan sa linog gumikan anaa kini nahimutang sa usa ka major geological fault.
