Gipahibalo sa Department of Social Welfare and Development (DSWD) XI nga ang ₱5,000 nga cash relief assistance alang sa mga jeepney driver nga naapektuhan sa pagsaka sa presyo sa krudo ipagawas sa dili pa matapos ang Semana Santa.
Atol sa paghinabi kang DSWD XI Regional Director Rhuelo Aradanas nga magsugod ang pag-apod-apod sa Davao Region ug uban pang bahin sa Mindanao human mahuman ang distribusyon sa National Capital Region (NCR).
Sa dili pa makadawat sa subsidy, giingon ni Aradanas nga ang mga benepisyaryo kinahanglan miyembro sa mga akreditadong transport associations ug adunay permit sa pag-operate.
Ang maong inisyatibo nagpunting sa transport sector aron maminusan ang kabug-at nga gidala sa pagsaka sa presyo sa krudo tungod sa kagubot sa Middle East.
Gipasiugda usab niya ang kahanduman ug pasalig sa ahensya sa paghatag og patas nga serbisyo sa mga katawhan nga naapektuhan sa bisan unsang krisis.
