DAVAO CITY – Halos singkwenta porsiento lamang sa mga taga-Davao ang nasayud sa kamugna-an sa regional party Hugpong ng Pagbabago (HNP).
Ang nahisgutan nga ngrupo namugna niadtong Pebrero 2018 ug gipangunahan ni Davao City Mayor Inday Sara Duterte-Carpio.
Migula sa survey nga gilusad sa Institute of Popular Opinion nga gipagula kagahapong adlawa nga dyutay lamang sa mga taga-Davao ang nasayud labot sa Hugpong ng Pagbabago.
Sumala pa kang Dr. Maria Linda B. Arquiza, assistant vice president sa Research and Publication Center sa University of Mindanao’s IPO, nga 56 porsiento lamang sa 1,200 ka mga respondents sa survey ang nmahayag nga nasayud sila labot sa kamugna-an sa HNP, nga naglakip sa provincial, municipal, ug city government officials sa rehiyon unse.
Gilusad niadtong Abril 13 hangtud 22 uban sa 95 porsiento nga confidence level, si Arquiza namahayag nga 43 porsiento ang nahayag nga wala sila masayud labot niini, samtang usa ka porsiento lamang ang ang wala motubag.
Sa mga nasayud sa kamugnaan sa HNB, kadaghanan kanila o mga 85 porsiento ang misuporta sa kamaugna-an niini.
Trese porsiento ang supak sa kamugnaan.
