55 patay sa aksidente sa bus sa Guatemala; national mourning, gideklara!

Patay ang 55 ka tawo human nadesgrasya ang usa ka bus sa Guatemala.

Sumala pa sa otoridad nga sakay sa usa ka bus nga mupadulong unta sa Guatemala City ang 70 ka mga pasahero lakip na ang mga estudyante sa dihang mibangga kini sa kilid sa tulay nga hinungdan sa pagkahulog sa creek.

Naglisod ang mga rescuers nga makuha ang mga nangamatay gumikan sa kalawom sa maong pangpang.

Ang nahisgutang panghitabo ang gikonsedera nga usa sa deadliest road traffic accidents sa rehiyon sulod sa pipila katuig.

Gumikan sa panghitabo, mideklara si Guatemalan President Bernardo Arevalo, og tulo ka adlaw nga national mourning sa mga biktima sa bus crash sa maong nasud.