Narekober ug natumbok na ang 55 gikan sa 67 nga mga biktima nga namatay sa US Mid-air collision sa American Passenger Jet ug US Army Helicopter, duol sa Reagan National Airport, 5 miles ang distansya gikan Washington D.C.
Sumala pa ni Washington DC Fire and EMS Chief John Donnelly, nga kumpiyansa ang mga rescuer nga marekober ang nahibilin nga biktima gumikan padayon pa nga ginapangita sa otoridad ang mga biktima nga gikan sa Potomac River, diin mihagsa ang 2 ka aircraft.
Nagapadayon pa usab ang salvage operations sa wreckage sa dihang nagbangga ang eroplano ug helicopter.
Ginalauman usab nga magpahigayon og lifting operations sa wreckage nga anaa sa Potomac River kagahapong adlawa.
Sumala usab sa US Coast Guard, nga anaa sa 200 vessels ang nagpahigayon na og recovery ug salvage efforts.
Ipadayon usab niini ang pagpangita hangtod nga makompleto na nga makuha ang tanan nga mga patayng lawas sa mga biktima sa maong plane crash.
