DAVAO CITY – Gibutyag sa Department of Education (DepEd) nga 52 ka mga bag-ong tulonghaan gikan sa nagkadaiyang distrito ning siyudad ang gikatakda nga mag-abli atol sa pagsugod sa klase sa Hunyo 5, 2017.
Matud pa kang Chief Education Program Supervisor of Dee Ed Teresita Del Valle, ang nahisgutan nga mga annex schools dakong tabang sa uban nga mga tulonghaan sa siyudad ug dali na lamang kini alang sa mga tinun-an nga nanimuyo sa hilit nga mga lugar sa siyuda.
Gikanayong ang mga Annex School kinahanglan pa gihapon nga moreport sa ilang mother schools hangtud nga mamahimo kini nga independent schools sa umaabot nga mga panahon.
Hinuon gitino ni Valle nga ang nahisgutang mga tulonghaan kulang sa mga gikinahanglan nga mga pasilidad aron nga ma-cater ang mga panginahanglanon sa mga tinun-an sama na lamang sa kakulangon ug magtutudlo ingon man mga libro.
Apan sa tabang sumala pa sa local school board ug kagamhanang nasyonal, dali lamang sumala pa nga makalingkawas sa maong suliran.
