Gikabutyag nga mosobra na sa 5,000 ka tawo ang napatay sa mga protesta sa Iran, lakip na ang mukabat sa 500 security forces, matod pa sa usa ka lokal nga opisyal.
Matod pa nga ang mga terorista ug armadong panagsangka ang reponsable kuno sa pagkamatay sa mga inosenting Iranian. Samtang Gipahayag usab sa US cased human rights group (HRANA), mukabat sa 3,308 na ang kumpermadong nangamatay samtang 4,382 pa ka mga kaso ang giimbestigahan ug mosobra sa 24,000 ang gipang-aresto.
Daghang residente ug video sa social media ang nagpakita sa bayulenting pagpugong sa mga pwersa sa estado sa mga demonstrasyon, lakip na ang direktang pagpamusil sa mga nagprotesta nga kadaghanan mga batan-on.
Pinakataas ang ihap sa mga nangamatay sa Kurdish region sa north west, kung diin aktibo ang mga armadong separatist. Kahinumduman nga nahitabo ang mga lihok-protesta sa Iran sugod niadtong Disyembre 28 sa nakalabay nga tuig gumikan sa krisis sa ekonomiya, hangtod nga milapad kini ug nanawagan sa pagtapos sa kasamtangang rehimen.
