DAVAO CITY – Gatusan sa ka mga agents ang gikinahanglan sa Philippine Drug Enforcement Agency (PDEA) Eleven.
Nasayran gikan kay PDEA Eleven Director Antonio Revira mokabat ngadto sa kinyentos ka mga agents ang ilang gikinahanglan aron nga pakusgan ang kampanya sa kagamhanan batok sa illegal nga druga, labi na nga gitahas na kini ngadto sa PDEA.
Una nang mipagula ug qualifications ang PDEA, diin kinahanglan nga ang aplikante nagpangidaron ug baynte uno anyos, hangtud sa traynta y singko anyos, naka-gradwar ug 4-year course ug makapasar sa psychological exam ug neuro exam.
Sumala pa kang Revira kung makapasar ang aplikante ipailalum kini sa training sulod sa unom ka bulan labot sa drug enforcement officer basic course.
Alang sa mga madawat mokabat ngadto sa baynte otso mil ka pesos ang mahimong sweldo matag bulan, gawas pa sa hazard pay.
