Kabsan sa kinabuhi ang 50 ka tawo, lakip ang 33 ka bata, human atakihon sa drone ang usa ka kindergarten sa lungsod sa Kalogi, Sudan, sumala sa Sudan Doctors Network ug sa Sudanese military. Ang insidente nahitabo samtang padayon ang kagubot tali sa paramilitary group nga Rapid Support Forces (RSF) ug sa gobyerno sa Sudan.
Nangatarungan ang RSF nga ang militar sa Sudan ang responsable sa drone strike nga nakatupa usab sa fuel depot sa Adre border sa Chad, samtang gikasuhan sa gobyerno ang RSF sa lain-laing mga pag-atake. Ang kagubot nagsugod pag-abot sa Abril 2023 human sa panagbangi sa gahum sa gobyerno, nga misangpot sa padayon nga civil war ug daghang kabus ug sibilyan ang naapektuhan.
Gisulti sa army-aligned foreign ministry nga duha ka higayon naigo sa drone missile ang kindergarten, nga apil ang mga sibilyan ug medical team nga nagtabang sa mga biktima. Tungod niini, daghang residente ang napugos sa paglikay ug pagpangitag luwas nga lugar samtang nagpadayon ang tensiyon.
Samtang, gikondena sab sa UNICEF ang maong insidente ug gitawag kini nga “horrific violation of children’s rights,” samtang nanawagan sa tanan nga partido sa Sudan nga undangon ang susama niini nga pag-atake ug tugotan ang pag-abot sa humanitarian aid ngadto sa mga apektado.
