5 patay sa airstrike sa Russia sa Ukraine

Patay ang lima ka mga tawo human sa airstrike nga gilusad sa Russia batok sa Ukraine.

Sulod sa pipila ka oras, gibombahan sa Russia ang nagkalain-laing rehiyon sa Ukraine.

Lakip sa mga nakabsan ang usa ka 61-anyos nga babaye human maigo sa drone ang usa ka electric train sa Kharkiv.

Adunay mga biktima usab nga gikan sa mga rehiyon sa Zaporizhzhia, Kherson, ug Poltava.

Sumala sa mga otoridad, gilusad sa Russia ang halapad nga airstrike pipila ka adlaw human ipahibalo ni Ukraine Pres.Volodymyr Zelensky ang pag-atake batok sa Russia.