Mikalas og 5 katawo lakip na ang commander sa Palestenian Armed Group nga Hamas sa West Bank kagahapong adlawa atol sa gilusad nga air strike sa Israel.
Sumala sa Palestenian News Agnecy nga dili pa tataw sa pagkakaron ang pagkatawo sa 4 ka uban pang indibidual nga namatay sa pag-atake.
Base usab sa Israeli Defense Forces nga ilahang gilusad ang air strike batok sa usa kam ilitant cell ngadto sa may West Bank City sa Tulkarm.
Gitaho usab sa Hamas media nga naigo sa usa ka sakyanang sakay ang fighters ug usa sa mga commander sa Tulkarm brigades ang napatay.
Una na niini, ayha pa man mibuto ang giyera tali sa Israel ug Hamas sa Gaza niadtong Oktubre 7, nahitabo na ang dahas sa West Bank kong diin kasagaran nagabuhat og raid ang Israeli forces sa maong teritoryo.
Mas migrabe pa ang tensyon sa middle east karong semanaha human ang assassination sa Hamas Leader na si Ismael Haniyeh sa Tehran, Iran niadtong Miyerkules, usa ka adlaw human nga milusad og strike ang ISrael sa Beirut nga gikamatay usab sa kaalyado sa Hamas nga si Hezbollah senior military commander Fuad Shukr.
